以下言論，只係代表當下我的想法，並沒暗示或明示對義工的異議在內，以此聲明
我唔贊成跟餵開貓貓走得太近，因為這樣做除了表現自己愛貓之外，對牠們本身沒有大幫助，反而仲加重了牠們的危險性，你鍚貓唔係人人都鍚，但貓貓會覺得人人都係好人，咁就累死貓貓不成！為佢地設想，跟牠們保持一定距離好啲，唔好引喇！
做ＣＣＣＰ的第一個人手則，無論仔貓或女貓，一概絕育年齡均要在六個月以上，我唔會聽取任何乜乜有違常理的所謂專家意見，我只會信賴自己的經驗
義工，寄養、暫託或其他，我會好嚴格
２１歲以上代表唔到啲咩嘢，變態係心理上出問題，唔係由年齡嚟界定
經濟能力只係表示某人在金錢方面有一定程度的支持，唔可以表示佢有這方面的能力就有同樣等值的責任心，貓界林過雲或近期義工們熱炒的某某靚
http://www.facebook.com/home.php?#/grou ... 0877144782
不就是一個好例子嗎！
保持聯絡，起到甚麼作用？三分鐘熱度的交流，義工往往在這情況下，都係處於被動的多，亦有唔少例子係中途棄養，或把貓貓在無聲下偷偷放回原義工處！
其他如
•家中必須安裝安全窗網
• 接受家訪
• 不可私下轉讓貓貓予任何人
這些做到當然係好，但只係最基本的要求，難道為小動物找家庭這樣便已足夠嗎？
收取領養費，這等正常，但一廂情願地以為願意付出幾百元的費用就係有誠意者，這點未免太天真乎，現在的經濟環境唔同，驅驅數百，一次迪士尼一日遊或一餐飯價錢都花了，在有心理病及經濟能力者的眼下，算是甚麼東西。
在兩方面都係陌生者來說，口頭承諾不如錄音做證，免得日後難以追究！有心人唔怕留下証明
收取領養費不如加大收費門檻，另加一紙合約，（法律上這等是有效力的）
１領養費可以當成行政費看待，但在領養費背後也可以加點保險費：例如
＄800-1000元為上限，界定在一年內或以上的觀察期，貓貓仍原孔無缺地和領養者居住一齊，在觀察期屆滿時，再在醫生的健康檢查下去證實貓貓並未受到不人道的對待，那領養者的保險費才可以全數取回，當然在這年間，義工和領養者也必須彼此溝通，或例行每隔兩月的探訪，又或是每一個月的貓貓近照Ｅ－Ｍａｉｌ，因為如果真係有心理病的，一至兩年的容忍期，對於佢地嚟講，簡直係自我虐待！
我唔會跟人說大道理，只會跟你說現實的問題，為貓好為自己又好，愛心同責任心唔係用金錢的表面東西可以衡量的